Video
Read full review
2023-07-10
968 views
8/7/2023繼續生日飯去中上環六月新開嘅韓式炸豬扒店。之前見佢六月頭賣廣告，準備六月中開，已經bookmark 左要去食，因為有我之前喺韓國食嘅炸芝士豬扒。雖然佢喺山上邊，不過有電樓梯一路接駁上去，所以都唔會太辛苦，同埋都容易搵嘅。我早過朋友少少到，問咗店員話冇時限，所以俾我入去坐咗先。我哋每人嗌咗一個set，分別嗌咗3號同4號 （炸豬柳、炸芝士豬扒）打算share食。佢每一個餐都有跟：前菜、醬汁；鵪鶉蛋味素白飯，冷麵，沙律菜就用細碗裝住（可以refill的）另外再加兩隻炸蝦。炸芝士豬扒真係好拉絲 （呢個真係要趁熱食），豬扒嘅肉都好淋身，炸粉好薄，一啲都唔會覺得油膩。炸豬柳都好好食，啲肉都仲係粉嫩嘅，有彈性得嚟又唔會太實，朋友覺得相比之下呢個好食過芝士豬扒 （如果要比較的話）兩隻炸蝦好大隻，粉漿都好薄，隻蝦入邊好大隻同埋彈牙。鵪鶉煎蛋味素白飯，個飯就唔熱嘅，我就覺得一般，所以冇refill 呢個 (但係幾見到隔籬枱男生嘅話就refill咗兩次白飯，可能始終個碗比較細唔夠食）冷麵帶有酸酸地嘅（醋）汁，微涼.我同朋友都refill 咗一次 （如果佢可以再凍啲就更加好）沙律係切碎咗嘅椰菜
繼續生日飯
去中上環六月新開嘅韓式炸豬扒店。之前見佢六月頭賣廣告，準備六月中開，已經bookmark 左要去食，因為有我之前喺韓國食嘅炸芝士豬扒。
雖然佢喺山上邊，不過有電樓梯一路接駁上去，所以都唔會太辛苦，同埋都容易搵嘅。
我早過朋友少少到，問咗店員話冇時限，所以俾我入去坐咗先。我哋每人嗌咗一個set，分別嗌咗3號同4號 （炸豬柳、炸芝士豬扒）打算share食。佢每一個餐都有跟：前菜、醬汁；鵪鶉蛋味素白飯，冷麵，沙律菜就用細碗裝住（可以refill的）另外再加兩隻炸蝦。
炸芝士豬扒真係好拉絲 （呢個真係要趁熱食），豬扒嘅肉都好淋身，炸粉好薄，一啲都唔會覺得油膩。
炸豬柳都好好食，啲肉都仲係粉嫩嘅，有彈性得嚟又唔會太實，朋友覺得相比之下呢個好食過芝士豬扒 （如果要比較的話）
兩隻炸蝦好大隻，粉漿都好薄，隻蝦入邊好大隻同埋彈牙。
鵪鶉煎蛋味素白飯，個飯就唔熱嘅，我就覺得一般，所以冇refill 呢個 (但係幾見到隔籬枱男生嘅話就refill咗兩次白飯，可能始終個碗比較細唔夠食）
冷麵帶有酸酸地嘅（醋）汁，微涼.我同朋友都refill 咗一次 （如果佢可以再凍啲就更加好）
沙律係切碎咗嘅椰菜，帶有少少柚子汁，清爽。
好滿意呢一餐，令我懷念韓國。職員都十分友善，有韓國人，亦有本地人 。
我諗我都會想再食嘅，如果我自己去食嘅話，就要食6號囉🤣🤣
Post
