Video
Read full review
2022-09-11
1753 views
老公上網做咗功課，睇過介紹，覺得「鮨慎」唔錯，於是就訂咗晚餐同我慶祝相識紀念日加中秋節做節。坐低之後，店員問我哋Omakase 有冇乜嘢唔食，我哋話冇，跟住佢就即刻上咗碗湯。其實我都未settle down，連口罩都未除，有冇需要咁趕呢？我哋係食Dinner，唔係中環放Lunch喎！🙄我用枱上面嘅熱毛巾抹手時，發現枱墊同毛巾盤下邊有一條長長嘅頭髮。我覺得唔太衛生🫣不過靜靜咁掹走咗就算。開頭其中一個店員問我哋飲唔飲酒，我哋話唔飲。隔咗一陣，另一店員問都唔問就直接收走個wine list。其實佢可以再問一下先收，會比較有禮貌。上第一碟魚生組合時，師傅已經一早預先整好晒，放喺佢工作枱上面一段時間，等我哋飲完湯，食埋頭盤小食就送遞俾我哋。我覺得碟魚生暴露咗喺空氣中太耐，唔係高級Omakase 應有嘅做法。魚生組合有筋子同兩款左口魚。其中一款左口魚上面有片魚鱗😥我冇講出嚟又冇影相，因為話晒都係同老公慶祝，我唔想破壞氣氛。師傅每次介紹食物嘅時候，都只係簡單咁講食物名稱，例如：「秋刀魚」、「池魚」。其實好多食客都對魚類有一定認識，反而對季節性或區域來源就唔會太清楚。如果師傅可以詳細講解一下，會令人覺
坐低之後，店員問我哋Omakase 有冇乜嘢唔食，我哋話冇，跟住佢就即刻上咗碗湯。其實我都未settle down，連口罩都未除，有冇需要咁趕呢？我哋係食Dinner，唔係中環放Lunch喎！🙄
我用枱上面嘅熱毛巾抹手時，發現枱墊同毛巾盤下邊有一條長長嘅頭髮。我覺得唔太衛生🫣不過靜靜咁掹走咗就算。
開頭其中一個店員問我哋飲唔飲酒，我哋話唔飲。隔咗一陣，另一店員問都唔問就直接收走個wine list。其實佢可以再問一下先收，會比較有禮貌。
上第一碟魚生組合時，師傅已經一早預先整好晒，放喺佢工作枱上面一段時間，等我哋飲完湯，食埋頭盤小食就送遞俾我哋。我覺得碟魚生暴露咗喺空氣中太耐，唔係高級Omakase 應有嘅做法。魚生組合有筋子同兩款左口魚。其中一款左口魚上面有片魚鱗😥我冇講出嚟又冇影相，因為話晒都係同老公慶祝，我唔想破壞氣氛。
師傅每次介紹食物嘅時候，都只係簡單咁講食物名稱，例如：「秋刀魚」、「池魚」。其實好多食客都對魚類有一定認識，反而對季節性或區域來源就唔會太清楚。如果師傅可以詳細講解一下，會令人覺得更加專業及認真。
經過幾件壽司之後，再上另一魚生組合，有Toro，海蝦同竹青魚。竹青魚入面竟然有條魚骨😱好彩我冇拮親或哽到！我今次真係要影低同話俾師傅聽。師傅即時話唔好意思並解釋魚肉之中有細骨係會有機會出現😲如果係快餐店的話，呢個解釋我會接受，可惜呢度唔係。佢話換過一件俾我，但係我唔想再食竹青魚，所以就婉拒左。
其後再食咗好幾款壽司，新鮮又美味，不過到一碟蟹肉海膽汁配魚生嘅時候，我又食到有魚鱗！😱我真係估唔到佢哋處理魚生會咁唔小心！師傅又再次道歉，重新再做一份俾我。令我萬萬意想不到嘅係，新嘅一份蟹肉入邊竟然有蟹殼！🤯我係咪應該去買六合彩呢！我真係好失望，心情完全被破壞，有啲想即刻埋單離開嘅衝動😡
負責serve我哋嘅師傅係香港人，睇得出佢比較年輕。佢對接二連三嘅出錯感到十分抱歉，做白海膽手卷嘅時候都專登放多少少海膽當補償。之後佢亦嘗試請我哋飲梅酒及送雪糕，可惜我哋唔鍾意飲梅酒亦唔想食雪糕，所以佢嘅好意我哋都冇接受到。
平心而論，$2280 晚餐Omakase 有21款食物，種類及味道都唔錯，但係食材嘅處理真係完全唔合格！❌ 就算廉價日本餐廳都唔應該有魚骨、魚鱗同蟹殼，更何況係高級壽司店？！
我對鮨慎非常之失望！希望佢哋會多加留意，唔會令其他食客遇到同樣「可怕嘅經驗」！
魚骨
21 views
0 likes
0 comments
魚鱗
29 views
0 likes
0 comments
蟹殼
80 views
1 likes
0 comments
Post
