Video
Read full review
2021-03-02
3716 views
【 山頂纜車迷必去｜半山隱世英式纜車 Cafe 】上個週日專程帶仔仔來這間纜車Cafe，估唔到真係可以咁近距離欣賞到纜車，Cafe同纜車只係一路之隔，仲要係可以無限次任睇，大人小朋友都勁開心呀！仔仔係Cafe門口已經俾啱啱落山的纜車吸引住，全間Cafe最靚的影相打卡位係室內的窗口位和露天茶座，我哋真係好幸運，竟然可以坐到室外的打卡靚位，勁開心呀！一坐低已經狂影相，每隔10分鐘就見到一班纜車，每次纜車經過仔仔都勁開心，所以你地見到既相，有纜車出現仔仔係唔會望鏡頭架，結果得一張成功俾纜車入鏡，好珍貴。其實唔止小朋友開心，媽媽我都好鐘意呢種古典懷舊的感覺，Cafe環境低調優雅，一邊飲咖啡一邊影相睇纜車，真係好享受呢種悠閑的氣氛。講番Cafe的餐飲都唔錯，價錢唔貴而且份量幾多，我地點左兩份主食，有芝士牛肉漢堡包配薯條，牛肉漢堡好厚好多汁，好好味。另一份卡邦尼煙肉意粉配炸蝦，炸蝦好大隻，卡邦尼意粉大人食就比較淡味，小朋友食我覺得啱啱好，再加多杯凍朱古力咖啡，非常滿足！相信小朋友一定會好鍾意呀！呢間咁靚咁有特色的纜車Cafe係【 Tram View Cafe 】，位於中環花園道纜車路軌旁，真係喺正
上個週日專程帶仔仔來這間纜車Cafe，估唔到真係可以咁近距離欣賞到纜車，Cafe同纜車只係一路之隔，仲要係可以無限次任睇，大人小朋友都勁開心呀！
仔仔係Cafe門口已經俾啱啱落山的纜車吸引住，全間Cafe最靚的影相打卡位係室內的窗口位和露天茶座，我哋真係好幸運，竟然可以坐到室外的打卡靚位，勁開心呀！
一坐低已經狂影相，每隔10分鐘就見到一班纜車，每次纜車經過仔仔都勁開心，所以你地見到既相，有纜車出現仔仔係唔會望鏡頭架，結果得一張成功俾纜車入鏡，好珍貴。
其實唔止小朋友開心，媽媽我都好鐘意呢種古典懷舊的感覺，Cafe環境低調優雅，一邊飲咖啡一邊影相睇纜車，真係好享受呢種悠閑的氣氛。
講番Cafe的餐飲都唔錯，價錢唔貴而且份量幾多，我地點左兩份主食，有芝士牛肉漢堡包配薯條，牛肉漢堡好厚好多汁，好好味。另一份卡邦尼煙肉意粉配炸蝦，炸蝦好大隻，卡邦尼意粉大人食就比較淡味，小朋友食我覺得啱啱好，再加多杯凍朱古力咖啡，非常滿足！
33 views
1 likes
0 comments
40 views
0 likes
0 comments
相信小朋友一定會好鍾意呀！呢間咁靚咁有特色的纜車Cafe係【 Tram View Cafe 】，位於中環花園道纜車路軌旁，真係喺正纜車總站隔離，好容易就揾到。餐廳無得book枱，想坐到靚位打卡影靚相就要早d出發喇！
安妮媽媽溫馨提示 :
- 如果有帶BB車就比較唔方便，因為上Cafe的路雖然短，但樓梯級較多，而且出入Cafe門口都有好幾級的樓梯級，大家上落要注意安全呀！
- 週六日，纜車每隔10分鐘就見到一班，平日15-20分鐘一班。
【 Tram View Cafe 】
地址：中環纜車徑二號地下
營業時間：星期一至五11am-7pm / 六、日及公眾假期10am-6pm
Post
