Video
Read full review
2016-12-15
206 views
今晚難得同舊朋友聚舊，而朋友又住係大埔，佢就提議不如試下呢間韓國特色小店。店舖細細間，由韓國人主理。我地去到既時候尚早，所以都冇咩人。但轉眼間都坐滿人，仲有唔少人叫外賣添。Menu選擇唔算多，但勝在價錢平。落單時只需講每款食物既代號就可以，唔識韓文都唔怕溝通唔到啦! 呢度既食物都係即叫即做，等左大約10-15分鐘左右，同朋友傾下計，食物好快就送上。The Cha:rm 韓式拌飯 $55我地選擇左呢度既招牌韓式拌飯。呢個特式拌飯材料好豐富，有牛肉，脆皮腸，紫菜，蛋，粟米粒等等。醬汁甜甜地，撈埋所有配料一齊食好好味。泡菜芝士薯條 $35薯條真係好重薯仔味，夠哂新鮮。芝士加泡菜呢個配搭已經幾新鮮，仲有酸忌廉，加上薯條岩岩炸起即食，特別惹味。呢個價錢黎講都好抵食，份量幾多。韓式辣醬芥末炸雞 $78蜂蜜牛油炸雞 $108朋友好中意食炸雞，於是我地就叫左兩個口味既炸雞試下。值得一提係呢度用既係無骨炸雞，岩哂我啖啖肉。雞件炸得剛剛好，外面只得一層薄薄既雞皮，炸得香脆，裡面雞肉又夠嫩滑。 蜂蜜牛油配上檸檬汁，食落唔會感覺好油。味道亦配合剛好，呢個真係必食推介。至於韓式甜辣醬加芥末炸雞，酸酸甜甜幾好味，
店舖細細間，由韓國人主理。我地去到既時候尚早，所以都冇咩人。但轉眼間都坐滿人，仲有唔少人叫外賣添。
Menu選擇唔算多，但勝在價錢平。落單時只需講每款食物既代號就可以，唔識韓文都唔怕溝通唔到啦! 呢度既食物都係即叫即做，等左大約10-15分鐘左右，同朋友傾下計，食物好快就送上。The Cha:rm 韓式拌飯 $55
我地選擇左呢度既招牌韓式拌飯。呢個特式拌飯材料好豐富，有牛肉，脆皮腸，紫菜，蛋，粟米粒等等。醬汁甜甜地，撈埋所有配料一齊食好好味。
泡菜芝士薯條 $35薯條真係好重薯仔味，夠哂新鮮。芝士加泡菜呢個配搭已經幾新鮮，仲有酸忌廉，加上薯條岩岩炸起即食，特別惹味。呢個價錢黎講都好抵食，份量幾多。
韓式辣醬芥末炸雞 $78蜂蜜牛油炸雞 $108
朋友好中意食炸雞，於是我地就叫左兩個口味既炸雞試下。
值得一提係呢度用既係無骨炸雞，岩哂我啖啖肉。雞件炸得剛剛好，外面只得一層薄薄既雞皮，炸得香脆，裡面雞肉又夠嫩滑。
蜂蜜牛油配上檸檬汁，食落唔會感覺好油。味道亦配合剛好，呢個真係必食推介。
至於韓式甜辣醬加芥末炸雞，酸酸甜甜幾好味，食食下已經清哂。呢個仲配有年糕，煙煙韌韌，好有口感。
呢度既炸雞做得非常出色，黎得呢度一定要試!
Lemon Ade $25食炸雞當然要配埋杯lemon ade啦，酸酸甜甜，完全可以解哂啲油膩感。
而且都好大杯 我同朋友兩個人share一杯 呢個價錢真係好抵飲。
濟洲綠茶雪山 $58我同朋友都係綠茶愛好者，一見到呢個濟洲綠茶雪山已經心心眼。
雖然已經好飽，但係都俾呢個甜品吸引住，最後都係決定一試。
果然冇令我地失望，綠茶味道香濃，唔會太甜。
綠茶甘香再加上紅豆，味道配合得唔錯。
Post
