島中坊研

Open Now

Now Closed

難得放假同朋友相約去長洲行山做下運動🏔，去沙灘遊走吹下海風🌊，順便食返幾串長洲大魚旦。不過除咗大魚旦之外，原來仲有呢一間比較簡約嘅咖啡店，餐廳嘅位置唔算難搵，開住Google Maps🌎跟住行好快就搵到。我哋喺餐牌上面揀咗以下兩款食物😋🟠All Day Breakfast $95有特色牛角包、香草豬肉腸、煙三文魚、香滑炒蛋、牛油粟米、煙肉和沙律。味道方面唔會太鹹，份量適中而且夠飽肚，加上牛角包配有士多啤梨醬加煉奶，沙律亦都配有酸酸甜甜類似和風汁嘅沙律醬，所以成個餐都算豐富🥰。🟠奄列套餐 Omelet Set $48奄列套餐可自選兩款指定配料，今次揀咗鹹牛肉🥩同蘑菇🍄，估唔到蘑菇可以中和翻牛肉嘅鹹味，配埋奄列一齊食嘅味道都算夾😆。呢個餐仲會配埋兩塊奶油多士，食完會好滿足，好有飽腹感😉。餐飲方面改配自家製糖漬（草莓）+ 梳打 $24可以一試，會食到草莓🍓糖漬之外，仲有新鮮切開嘅草莓粒，加埋梳打嘅味道唔算特別，但解渴👍🏻。