La Vista

假日當然要搵地方chill 下，今日搵到尖沙咀區，韓國街後面原來有間好 chill 的墨西哥餐廳，開放式大門連接outdoor空間，完全一點都不似置身在尖沙咀中。Sangria （red）西班牙經典水果酒，生果香甜味滲透入紅酒中，清新香甜，果香味十足。Cranberry juice味道酸酸甜甜，清暑解喝。Wild Mussels加了白酒、蕃茄煮的青口，帶有陣陣海水鮮味，雖然青口不算太大，但粒粒飽滿鮮甜。Saute Mushrooms蘑菇煎炒後香氣豐富、滋味甜美，配搭成下酒伴菜非常適合。Grilled Rib Eyes Fajita 肉眼扒係用炭火燒過，5成熟剛剛好，肉質鮮嫩軟淋，有淡淡炭烤焦香。Tortilla即是墨西哥餅皮，完全都是自家製出品，口味柔軟，配上肉眼扒，配菜還有牛油果醬、酸忌廉、蕃茄莎莎醬一齊食，整個口感都非常豐富，超贊。