Timber

Open Now

Now Closed

下午茶食得太飽，食唔落晚餐，我同男朋友就決定搵間酒吧飲下野、食下小食。之前我地黎過隔離間日本餐廳食飯，有印象見過呢間酒吧。男朋友想起呢間野就提議黎試下。上到黎發現呢間酒吧裏面都幾大，仲有好多特色cocktail我地叫左兩杯試下。Dragon Daz男朋友叫左呢款。呢杯係一杯以火龍果為主嘅signature cocktail，首先賣相好靚，紅紅白白配搭好搶眼。呢杯酒有火龍果嘅甜味，但酒味好濃郁好純。Jap Jap呢杯就細細杯，金黃色配以荔枝，感覺好夏天。比起Dragon Daz，呢杯酒味相對唔係好濃郁，但係就富有荔枝果種清新甜味，啱晒我！我地仲左炸雞翼同埋炸薯角。雞翼勁好味！炸得剛剛好金黃，皮脆肉嫩，再加埋個特別的辣醬，特別惹味開胃，送酒真係超正。薯角份量好多，而且炸得好香脆。仲有送的薯片和開心果。有得睇波，仲有得玩遊戲。店員仲介紹話呢到既遊戲桌係全港獨家的大家得閒不訪黎試下。絕對係值得encore的酒吧酒、小食、設施都一流。