潮食地

Open Now

Now Closed

今日中午同同事一齊去試附近未食過嘅茶記，呢間餐廳好企理，而且比較新式，選擇都非常多。環境衛生闊落，主要都係卡位，所以坐得好舒服。餐牌都有好多個，有午市套餐餐牌，同埋煮餐牌，菜式都係覆蓋唔同嘅種類。我同同事二人各款都有試下。《自選鮮湯刀削麵》$64刀削麵可以揀湯底同埋配菜，我揀咗麻辣湯同埋香茅豬扒。麻辣湯好香四川花椒味，唔會好辣，我諗唔太食得辣嘅人都接受到，個重點係好香，同埋刀削麵嘅口感好好，又滑又彈，豬扒好厚好大件，香茅味濃，推薦！跟餐附送嘅餐湯都好好飲，足料！《金銀蛋浸時蔬》$68我哋揀咗芥蘭，份量好足，好大碟，芥蘭爽脆入味，好食。《豉汁蒸排骨》$68同樣份量好足大大碟，仲配白飯添，排骨好入味，雖然係豉汁但唔會好咸，好味！每舊都有肉唔係脆骨/骨，幾高質。 總括嚟講，呢間新式啲嘅茶餐廳質素都唔錯，下次會再嚟幫襯。