Plato Cafe & Bistro (裕民坊YM²)

同朋友做完運動，梗係想食餐好！😋特登嚟到裕民坊呢個花園嘅位置，坐得舒舒服服咁嘆個靚tea~澳洲肉眼牛扒 配紅酒燒汁 配沙律 ($138)肉質非常嫩滑，入口真係有差啲即融嘅感覺，以呢個價錢食到咁高質嘅牛扒算難得！😙柚子雞翼（3隻）配薯條及沙律 ($48)唔算太甜嘅柚子味，食落去都幾開胃，薯條量都好多！😍朱古力心太軟配雪糕 (+$48)比想像中細舊，上菜時已經裂開咗，啲朱古力醬流晒出嚟，有啲可惜🥲Oreo奶昔 (+$26)大大杯加埋cream真係好邪惡！相對上淡味啲，奶味較重🙈芒果沙冰 (+$26)非常清爽，解渴一流！個人感覺甜度啱啱好👍🏻