Zucco (Closed)

喺社交媒體網站一直有follow呢間餐廳，知道會有歌手唱歌，可以一路聽住歌一路飲酒食嘢。咁岩今晚一直留意開嘅歌手，就去咗呢間餐廳試吓！巴馬火腿配金蜜瓜($88)巴馬火腿嘅鹹味同哈密瓜嘅甜味好夾， 好開胃，份量都幾多，性價比好高！煙三文魚牛油果薄餅($138)薄餅嘅口感好鬆脆，唔會太濟。煙三文魚都好鮮味同牛油果嘅奶油味好夾！XO醬爆汁香煎大帶子意粉($138)雖然得一粒帶子，但佢煎得恰到好處鮮嫩多汁。加埋XO醬嘅香味，令到意粉好惹味。意粉都煮得好有彈性，好好食！