Lagom Kaffe (Closed)

今次專程黎到觀塘食，之前就有係網上見到有人推薦，第一眼感覺好寛敞唔會逼，枱同枱之間既距離剛剛好，坐落超舒服。😌未落單就送左橄欖麵包，口感偏硬未必人人鍾意，但正中我口味，搽埋香草牛油風味十足。👌🏻由於今次係食晚餐所以叫既野食都係飽肚為主，用QR Code落單，方便唔洗等。👌🏻🍛菇菇燻鮭明太子奶油章魚燉飯”最搶眼一定係條章魚腳，外觀色彩豐富，第一啖食左飯先，入口充滿Cream同芝士既風味配搭明太子相得益彰👍🏻每啖都超滿足，燉飯裏面既豆角同菇令口感有變化，加上章魚個既獨特風味好新奇。🍜台式風味牛肉千層麵”上到枱道菜香味已經撲鼻而來由於呢道菜制作需時，但實際時間其實只係15分鐘，同Meun寫既時間一致(繁忙時間可能耐多少少)食落啖啖都超有罪惡感，比普通千層麵食得出調味比較重少少。但完全無辣，反而係香料既個種麻香。😌🦑夜市酥炸海鮮有魷魚、魚塊、蝦、洋蔥同豆角炸衣有落功夫，食得出鹽酥雞炸衣既香料，真係有夜市既味道👌🏻最值得讚既係炸出黎乾身，唔會油感重食之前沾埋個醬汁，芥末味偏重反而令油膩減輕，吱埋檸檬汁再添清爽感。🍋總結而言，成餐飯都好滿意，服務態度仲好好💕唯一缺點就係地點偏遠，但裝修文青，空間寛