PISTOL

早兩日同朋友係時代廣場食完晚飯，朋友就想坐低飲杯酒，發現呢間係隔離街樓上酒吧，環境舒適，私隱度高。我地好早就上去可以坐梳化位，除左鞋半躺咁坐係梳化聽住音樂一路飲下酒傾下計，當日我地係有live band，好chill。呢到唔同一般酒吧有餐牌叫酒，而係調酒師會根據客人當日心情，口味喜好去調一杯屬於客人嘅酒。我呢杯係熱情果味，味道酸酸甜甜，酒味唔會太濃，好易入口，好飲，好適合我。朋友個杯係抹茶味，味道清新，帶有少少苦澀，whiskey做base。