Moonshine & The Po'Boys (Closed)

又係飲酒時間，不過今次淨係講野食既～咁先前已經留哂餸，因為驚星期四有live band會無位，而且塊40oz扒要早最少一日訂先有得食。邊小得雞翼丫！炸既色水岩岩好，底味都足夠，而粉漿亦都調過味黎所以飲酒好惹味。main黎講揀左個燒雞，無可避免的會燒得有d位置會比較un，但係呢個un既程度我接受，可能因為調味夠關係，再咬係有味道而唔會令你覺得咬橡膠，通常問題點就係比人覺得咬橡膠先會覺得唔好食。mac and cheese，又係d飲酒時候見到既野，食完之後比個胃覺得有食到野，然後可以飲酒～講番小小食物先，咁呢個以chedder為主既，所以拉絲效果雖然較差，可以話無，但係得出既芝士香會相應較濃，而macaroni亦唔會太淋身。重點係呢個扒，特登訂留佢係度　因為我有損埋條骨關係，比我感覺就唔係慢煮的，慢煮的話骨上面的肉理應離身，但依然痴住的。所以食完見到咁均勻既粉紅色覺得好神奇。因為真係roast得好香，出面既grill過果層coating令到肉味更加香，而不失整體生熟度而甜品既crumble亦比我想像中易入口，唔係太甜，完美落幕，好滿足！雖然之後又有下場...