Video
Read full review
2019-04-18
391 views
上個weekend朋友帶咗我去AHA食brunch，人流唔算好多食得幾舒服，前菜三選一，食肉獸當然叫晒兩個都係肉啦，正確來講應該話係海鮮，有老是常出現嘅蟹餅，今次呢個係用香煎嘅煮法而唔係炸，香口得嚟又少咗份熱氣嘅感覺，而且旁邊仲有啲莓醬點嚟食又幾開胃😛另一個係炸銀魚，有啲似白飯魚咁，揸得夠鬆脆，魚肉本身又好軟腍，點埋個甜甜地嘅沙律醬超級惹味😍是日餐湯雜菜湯，菜料都煲到腍哂入哂味，酸酸地好開胃😗主菜方面兩個食肉獸依然係揀肉食，一牛一豬，牛肉係用USDA嘅Prime級tenderloin牛柳部位，係成隻牛最軟最嫩嘅部份，煎後達到外面香口內裏嫩滑嘅感覺，另配上超鮮甜南瓜蓉，唔會一味淨食肉咁膩✨至於豬就係燒豬腩肉，肉質有啲似慢煮過定燜過質地好軟腍，然後再燒過表面邊位增添層次感，配上BBQ醬後成個感覺又好貼地，不過佢配青豆蓉同埋椰菜花蓉，兩樣都唔係我鍾意嘅嘢🤣最後加錢叫埋甜品，兩款都不得了，一輕一濃，輕盈代表嘅奇亞籽Panna Cotta，超動L嘅奶凍頂部埋藏咗一堆好似西米咁嘅奇亞籽，幼滑中有帶彈牙嘅粒粒口感，再配埋酸酸地嘅藍莓乳酪醬，成件事好健康另一個就相反地好邪惡，係花生醬味嘅冰糕，質感有啲
另一個係炸銀魚，有啲似白飯魚咁，揸得夠鬆脆，魚肉本身又好軟腍，點埋個甜甜地嘅沙律醬超級惹味😍
是日餐湯雜菜湯，菜料都煲到腍哂入哂味，酸酸地好開胃😗
主菜方面兩個食肉獸依然係揀肉食，一牛一豬，牛肉係用USDA嘅Prime級tenderloin牛柳部位，係成隻牛最軟最嫩嘅部份，煎後達到外面香口內裏嫩滑嘅感覺，另配上超鮮甜南瓜蓉，唔會一味淨食肉咁膩✨
至於豬就係燒豬腩肉，肉質有啲似慢煮過定燜過質地好軟腍，然後再燒過表面邊位增添層次感，配上BBQ醬後成個感覺又好貼地，不過佢配青豆蓉同埋椰菜花蓉，兩樣都唔係我鍾意嘅嘢🤣
最後加錢叫埋甜品，兩款都不得了，一輕一濃，輕盈代表嘅奇亞籽Panna Cotta，超動L嘅奶凍頂部埋藏咗一堆好似西米咁嘅奇亞籽，幼滑中有帶彈牙嘅粒粒口感，再配埋酸酸地嘅藍莓乳酪醬，成件事好健康
另一個就相反地好邪惡，係花生醬味嘅冰糕，質感有啲似雪硬咗嘅慕絲，個花生醬味好重又有啲似拖肥味咁，不過佢都有個青檸雪葩俾你平衡下，兩者各有千秋😛
Post
