Video
Read full review
2024-02-05
137 views
好少去將軍澳區，更加少去到澳南海岸呢邊，原來呢度都幾Chill，可以睇到全海景，行完街就去咗MONTEREY Place食呢間Chilli Lime呢間係食泛亞洲菜，款式好多，侍應都超級Nice，雖然我地兩個人，但見四人餐$548都幾抵食，可以揀五樣嘢，無諗過就叫咗！首先叫咗「泰式鹽焗燒魚」（+$58），雖然要補錢，但都係值得嘅，條魚好大條，魚肉好厚， 用刀切開都幾多魚肉，本身用鹽調咗味，食落仲有幾Juicy，加埋酸酸辣辣嘅汁就更加惹味另一客都小食係「越式鮮蝦米紙卷（四件）」，呢款都幾飽肚，大大嚿米卷，包住咗唔同種類嘅素菜，有蘿蔔等等，加埋鮮蝦肉，食落十分清新主食有「牛油雞咖喱（配原味薄餅）」，呢度嘅咖啡都好特別，呢款比較甜，又有好香嘅牛油味，本身咖喱較稠身，味道較為濃郁，雞塊有好多，用嚟蘸薄餅好夾，一啖接一啖咁食另一款主食係「泰式青咖喱（牛肉）（配蒜味薄餅）」，呢款辣少少，但我哋叫咗小辣還好，咖喱味都幾香，而牛肉片都有好多塊，呢款跟嘅薄餅嗌咗蒜味，就咁食都已經好香！之後就有「串燒沙嗲（六串）」，主要係兩款串燒：雞肉同牛肉肉量比想像中多，真係啖啖肉！花生沙嗲醬味道唔係超濃果種，但有淡淡
原來呢度都幾Chill，可以睇到全海景，
行完街就去咗MONTEREY Place食呢間Chilli Lime
呢間係食泛亞洲菜，款式好多，侍應都超級Nice，
雖然我地兩個人，但見四人餐$548都幾抵食，
可以揀五樣嘢，無諗過就叫咗！
首先叫咗「泰式鹽焗燒魚」（+$58），
雖然要補錢，但都係值得嘅，
條魚好大條，魚肉好厚， 用刀切開都幾多魚肉，
本身用鹽調咗味，食落仲有幾Juicy，
加埋酸酸辣辣嘅汁就更加惹味
另一客都小食係「越式鮮蝦米紙卷（四件）」，
呢款都幾飽肚，大大嚿米卷，
包住咗唔同種類嘅素菜，有蘿蔔等等，加埋鮮蝦肉，
食落十分清新
主食有「牛油雞咖喱（配原味薄餅）」，
呢度嘅咖啡都好特別，呢款比較甜，又有好香嘅牛油味，
本身咖喱較稠身，味道較為濃郁，
雞塊有好多，用嚟蘸薄餅好夾，一啖接一啖咁食
另一款主食係「泰式青咖喱（牛肉）（配蒜味薄餅）」，
呢款辣少少，但我哋叫咗小辣還好，
咖喱味都幾香，而牛肉片都有好多塊，
呢款跟嘅薄餅嗌咗蒜味，就咁食都已經好香！
之後就有「串燒沙嗲（六串）」，
主要係兩款串燒：雞肉同牛肉
肉量比想像中多，真係啖啖肉！
花生沙嗲醬味道唔係超濃果種，但有淡淡香氣，可帶出肉香
食飽飽就叫嘢飲，跟餐叫咗杯Mocktail「Virgin Mojito」（$38），
呢款真係十分Classic，酸味基底，加入薄荷、青檸，
成個感覺幾清新，食濃味嘢就啱曬喇
另一杯單叫咗「印度奶茶」（$48），
係側邊可以睇住水吧師傅拉茶，
茶嘅香料味好重，可以自己加糖水調校口味
Post
