MAJO Tapas Paella Bar (Closed)

呢間西班牙菜係soho都幾搶眼，皆因佢有好大個戶外座位，成間餐館嘅感覺都幾chill🤙🏻最近佢哋仲係星期二至四推出Night Brunch ($330)，包任食Tapas、西班牙燴飯及甜品，見到價錢都幾吸引就同朋友到訪一試🤣食西班牙菜就一定要試佢嘅Tapas，食勻咁多款最鍾意嘅係番茄蓉香脆麵包，搭配伊比利亞黑毛豬拼盤、手工芝士、同埋帕德隆辣椒都好夾，尤其係啲火腿都幾夠鹹香💗自家製炸丸子奶香就比較出，餡料都算幼滑，西班牙薯仔蛋餅配油封洋蔥都幾軟熟，西班牙炸薯仔配蒜香蛋黃醬及煙燻辣醬就夠晒邪惡，薯仔都幾香🥰除咗tapas，paella都係必食，呢個套餐包一份西班牙燴飯，今次就揀咗seafood paella，食落感受到店家應該用咗海鮮高湯煮過，除咗面頭嘅大蝦同蜆肉，入面仲有魷魚，飯粒偏濕潤，自己覺得蜆肉比較新鮮，成個鐵盤上菜都幾有儀式感🤪其實食到最後已經飽到上心口，不過甜品都總可以放喺第二個胃😋自己要咗一份catalana，食落去柑橘同肉桂香極重，加埋面頭焦糖面好滿足😚 朋友就要咗巴斯克芝士蛋糕，cheesecake食落去都幾滑身，面頭加咗啲餅碎，旁邊仲有藍莓果醬，食落冇咁膩～自己覺得最抵