Video
Read full review
2022-04-17
64 views
呢間餐廳位於九展嘅地下 嚟嘅呢日係星期六 正午時分嚟到 餐廳未有好多客人 店員安排我哋坐近窗口嘅位置 所以環境都幾寧靜舒適🥰我同友人叫咗一人一份lunch set 套餐包咗餐湯 主菜 同飲品 都算幾豐富㗎😺是日餐湯粟米忌廉湯飲落唔算好鹹 粟米蓉都幾足料🌽英式吉列杏仁片魚柳配薯條沙律炸魚都幾大塊 除咗吉列炸粉之外仲有杏仁片 炸粉又唔算好厚😌 雖然魚肉唔會好紮實 但係都好滑 食落口感都唔錯 蘸埋他他醬食就好夾啦😎慢煮加拿大保濕豬肉眼配蜜桃芥末籽醬呢塊豬肉眼真係好厚呀😮 本身都驚咁厚嘅豬肉會好韌 但係可能係慢煮 食落口感絕對唔會太鞋 仲有少少肉汁🐷 配埋面頭嘅蜜桃同芥末籽醬 即使食晒咁大塊扒都唔會好膩呀 豬扒旁邊仲配咗粟米 甘筍仔 薯仔 西蘭花 感覺健康咗呀🙊香蕉朱古力奶昔朱古力味道都幾濃 香蕉味就比較淡 但係飲落味道都幾平衡🧋Matcha Latte第一啖有啲鹹 應該係飲品上面落咗海鹽 攪勻之後綠茶味道唔會苦 有好香濃嘅茶味🍵如果weekend想搵間唔太多人嘅Cafe坐吓 都幾推薦大家嚟呢度 食物同環境都唔錯😊
呢間餐廳位於九展嘅地下 嚟嘅呢日係星期六 正午時分嚟到 餐廳未有好多客人 店員安排我哋坐近窗口嘅位置 所以環境都幾寧靜舒適🥰
我同友人叫咗一人一份lunch set 套餐包咗餐湯 主菜 同飲品 都算幾豐富㗎😺
是日餐湯
粟米忌廉湯飲落唔算好鹹 粟米蓉都幾足料🌽
英式吉列杏仁片魚柳配薯條沙律
炸魚都幾大塊 除咗吉列炸粉之外仲有杏仁片 炸粉又唔算好厚😌 雖然魚肉唔會好紮實 但係都好滑 食落口感都唔錯 蘸埋他他醬食就好夾啦😎
慢煮加拿大保濕豬肉眼配蜜桃芥末籽醬
呢塊豬肉眼真係好厚呀😮 本身都驚咁厚嘅豬肉會好韌 但係可能係慢煮 食落口感絕對唔會太鞋 仲有少少肉汁🐷 配埋面頭嘅蜜桃同芥末籽醬 即使食晒咁大塊扒都唔會好膩呀 豬扒旁邊仲配咗粟米 甘筍仔 薯仔 西蘭花 感覺健康咗呀🙊
香蕉朱古力奶昔
朱古力味道都幾濃 香蕉味就比較淡 但係飲落味道都幾平衡🧋
Matcha Latte
第一啖有啲鹹 應該係飲品上面落咗海鹽 攪勻之後綠茶味道唔會苦 有好香濃嘅茶味🍵
如果weekend想搵間唔太多人嘅Cafe坐吓 都幾推薦大家嚟呢度 食物同環境都唔錯😊
Post
