牧羊少年咖啡館 (K11購物藝術館)

Open Now

Now Closed

疫情關係，好耐冇約朋友，難得出尖沙咀，就約咗朋友嚟呢間牧羊少年咖啡館食個下午茶，計吓偈。呢度個環境唔錯，文青feel，坐得幾舒服，好啱喺度過一個好chill嘅下午，不過呢度係有限時㗎😝兩個女仔叫咗英式早餐午餐、千島海鮮薄餅再加2杯抹茶可可朱古力。杯抹茶可可朱古力好rich，不過我嫌佢略甜，而且朱古力味同抹茶味亦唔夠突出。英式早餐午餐，蘑菇真係超juicy，而且仲濃濃嘅蘑菇味；腸個味道又啱啱好，唔會太咸；平時我好怕喺出面食嗰啲煙肉整到硬崩崩，呢度唔會有呢個情況⋯唔錯！我覺得最驚喜係呢個奇亞籽甜品，食落似椰汁西米露，最緊要係飽肚又健康！千島海鮮薄餅，呢度嘅pizza係薄批，餅邊烤得脆脆，正常水準。總括嚟講，呢度嘅食物份量好足，食物質素亦可以⋯如果行過，想搵個地方傾吓偈，食啲嘢，推介呢度。