Video
Read full review
2023-10-11
20 views
凡直友里琴晚嚟咗呢度食飯，呢間酒吧餐廳有得揀戶外同室內坐，我就揀咗坐室內，雖然坐室內就要用斜板入去有少少麻煩，但坐室內唔會咁阻到人，同埋室內會有歌聽同無咁熱。入到餐廳見到長長吧枱，佢哋幫我搵咗近門口比我坐，招呼好好！呢間酒吧餐廳仲係唔收加一服務費，喺有酒飲嘅餐廳嚟講真係好少有，仲有特色cocktails，食物方面就無落任何味精，有時仲有liveband，性價比真係好高，絕對係chill高質嘅酒吧餐廳！👍👍😋😋1.安格斯牛肉黑毛豬火腿雙重芝士漢堡+薯條+南瓜湯$168（10/10）呢個安格斯牛肉黑毛豬火腿雙重芝士漢堡真係好好食，安格斯牛肉肉質唔死實， 黑毛豬火腿咸咸地，仲有生菜、蕃茄、酸青瓜同芝士！薯條粗長，好脆！南瓜湯好濃，好飲！2.烤澳洲黑安格斯牛西冷配黑椒燒汁+南瓜湯$228（7.5/10）我叫咗西冷牛配意粉，呢塊西冷牛7成熟，烤得啱啱好，配上黑椒燒汁好好味，可惜塊西冷筋位比較多，無咁好咬開！南瓜湯好濃，好飲！3.烤原隻日本魷魚筒$138（10/10）原隻魷魚好大隻，魷魚爽口彈牙，配埋泰式辣汁好惹味，好正！4.紫霞仙子$68（10/10）呢杯紫霞仙子飲到好多種味，柑橘、菠蘿、蝶豆花
琴晚嚟咗呢度食飯，呢間酒吧餐廳有得揀戶外同室內坐，我就揀咗坐室內，雖然坐室內就要用斜板入去有少少麻煩，但坐室內唔會咁阻到人，同埋室內會有歌聽同無咁熱。
入到餐廳見到長長吧枱，佢哋幫我搵咗近門口比我坐，招呼好好！呢間酒吧餐廳仲係唔收加一服務費，喺有酒飲嘅餐廳嚟講真係好少有，仲有特色cocktails，食物方面就無落任何味精，有時仲有liveband，性價比真係好高，絕對係chill高質嘅酒吧餐廳！👍👍😋😋
1.安格斯牛肉黑毛豬火腿雙重芝士漢堡+薯條+南瓜湯$168（10/10）
呢個安格斯牛肉黑毛豬火腿雙重芝士漢堡真係好好食，安格斯牛肉肉質唔死實， 黑毛豬火腿咸咸地，仲有生菜、蕃茄、酸青瓜同芝士！
薯條粗長，好脆！
南瓜湯好濃，好飲！
2.烤澳洲黑安格斯牛西冷配黑椒燒汁+南瓜湯$228（7.5/10）
我叫咗西冷牛配意粉，呢塊西冷牛7成熟，烤得啱啱好，配上黑椒燒汁好好味，可惜塊西冷筋位比較多，無咁好咬開！
南瓜湯好濃，好飲！
3.烤原隻日本魷魚筒$138（10/10）
原隻魷魚好大隻，魷魚爽口彈牙，配埋泰式辣汁好惹味，好正！
4.紫霞仙子$68（10/10）
呢杯紫霞仙子飲到好多種味，柑橘、菠蘿、蝶豆花茶同梳打，甜甜地打卡一流！
5.香奈小姐Ms.Hannah $95（10/10）
叫咗一杯特色cocktail，飲落甜甜地酒精味唔重，飲到有荔枝、芒果、柑橘、石榴同梳打！
2人總共價錢$697
個人口味總評分：9.5/10
@fanstraightlane_m1
地址：元朗又新街53-59號滿利大廈地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#凡直友里 #元朗 #元朗好去處 #酒吧餐廳 #特色cocktail #免加一西餐廳 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
