塚田農場

Open Now

Now Closed

終於等到出糧嗰日啦,好耐冇去食d好嘢,決定帶媽咪嚟食好嘢,上次已經bookmark咗好耐嘅塚田農場,啱啱好今日喺海港城附近,於是今日就試吓佢入面裝修好高級，好有日式feel，成幅落地玻璃望出去就係靚到不得了嘅海景，今日仲好彩見到彩虹添！呢度嘅招牌菜係美人涮鍋，我哋就揀咗呢個，可以畀兩個人食，有5款唔同嘅肉類可以揀，我哋就揀咗和牛同豚肉套餐，咁就兩個肉類都可以試吓啲鍋底一上到媽咪真係嘩咗出聲，和牛同豚肉嘅雪花紋一見就知好靚，好正。湯底係雞白湯 ，湯底有啲甜味，而且味道好濃郁，應該係熬咗好耐嘅湯底每個套餐可以揀白飯/拉麵/烏冬，帶媽咪嚟梗係要食得豐富啲，就多點咗蔬菜拼盤，腐皮卷，豆腐，同菇菌拼盤。蔬菜拼盤入面有好多嘢，包括南瓜，冬菇，蘿蔔等等。菇菌拼盤都有冬菇同金針菇。腐皮卷，豆腐加埋拼盤落咗落去，湯底都變鮮甜咗仲見到隔離枱都叫咗玉子燒好似好好食，就加單再嚟一份。跟住其他人叫實冇錯。食落去係甜甜地，好鬆軟，好香蛋味，而且蛋好厚實，難怪咁受歡迎如果大家想嚟食，就梗係要記得提早book位啦！