Video
Read full review
2021-12-08
707 views
🎅🏿聖誕節大家咁開心，比姊妹搵就緊令我開心🤪唔小心就唱咗句自己二創歌詞添😂不過聖誕節梗係想食番啲有返啲聖誕氣氛嘅大餐。尋日搵到間嘢都有做啲應節食物都好唔錯㗎。介紹返俾大家！※環境點評※間餐廳就由西灣河地鐵站出發，行10分鐘左右，環境好清幽，店舖入邊枱與枱之間位置都幾闊落，本身店舖裝飾唔算太有特色，但係勝在聖誕裝飾好夠幫佢哋加返分。※服務點評※店員招呼尚算周到，經理更加係我地諗唔到叫咩嘅情況下幫我哋安排咗一餐我都幾滿意嘅菜單。所以整體來講都幾滿意㗎😙※ 食物點評※🫔Turkey ballotine (honey glazed ham steak 🥩 mashed potato 🥔sauteed greens 🥬 )聖誕節點可以唔食火雞肉啊，但係喺我印象中火雞肉通常都係諧霎霎，通常都係為咗愛先食佢，但係佢呢度火雞肉比我想像中口感好好多，配上佢甜甜地嘅醬成件事都幾特別！跟住佢post嘅薯蓉都好出色，滑身得來味道都好好，都推薦大家可以嚟呢度試吓㗎🥘Clam bake serve 2 (half lobster 🦞 clams, mussels, shrimp 🦐 baby squid 🦑 ch
※環境點評※
間餐廳就由西灣河地鐵站出發，行10分鐘左右，環境好清幽，店舖入邊枱與枱之間位置都幾闊落，本身店舖裝飾唔算太有特色，但係勝在聖誕裝飾好夠幫佢哋加返分。
※服務點評※
店員招呼尚算周到，經理更加係我地諗唔到叫咩嘅情況下幫我哋安排咗一餐我都幾滿意嘅菜單。所以整體來講都幾滿意㗎😙
※ 食物點評※
🫔Turkey ballotine (honey glazed ham steak 🥩 mashed potato 🥔sauteed greens 🥬 )
聖誕節點可以唔食火雞肉啊，但係喺我印象中火雞肉通常都係諧霎霎，通常都係為咗愛先食佢，但係佢呢度火雞肉比我想像中口感好好多
，配上佢甜甜地嘅醬成件事都幾特別！跟住佢post嘅薯蓉都好出色，滑身得來味道都好好，都推薦大家可以嚟呢度試吓㗎
🥘Clam bake serve 2 (half lobster 🦞 clams, mussels, shrimp 🦐 baby squid 🦑 chorizo, corn 🌽 potato 🥔)
由半隻龍蝦，一啲海鮮整成嘅一個大雜燴，佢嘅湯我覺得算係唔錯，但係因為成盤嘢加埋要$400，個人認為整餐飯之中算係有啲失色，可以更佳！
🍔East coast burger (soft shell crab 🦀 tomato 🍅 lettuce 🥬)
軟殼蟹夠晒脆口多汁，配上洋蔥，蕃茄，再加埋佢哋秘製嘅醬汁，成件事天衣無縫，係簡單中帶出不平凡嘅一道菜。
※總結※
餐廳環境清幽，價錢都唔錯，環境唔錯，服務唔錯，食物唔錯，所以偶爾一嚐都唔錯，大家有機會就去試吓啦！
🍔East coast burger
15 views
0 likes
0 comments
🥘Clam bake serve 2
17 views
0 likes
0 comments
🫔Turkey ballotine
12 views
0 likes
0 comments
Post
