唐源

Open Now

Now Closed

下晝三點去到係大埔既Goldy Cafe食下午茶。一入到去首先見到環境好整潔，光線都好充足。可以揀坐對住落地玻璃既單排枱櫈，又可以揀普通枱。餐牌上面既食物都有足夠選擇，有三文治，意大利飯/意粉或者All Day Breakfast。今次我地兩個人食，就叫咗一個雜菌蘑菇燴意大利飯，同埋Beef Steak既All-day big breakfast。飲品就係可口可樂同埋double espresso。Espresso 既香味係侍應運緊過黎已經聞到，飲落亦濃郁，口感順滑。至於食物方面，risotto 雖然要等耐少少時間，但係味道好唔錯，汁既味道同菌菇好夾，超級creamy。米飯既質地亦都唔會太過軟身，有足夠咬口。All-day breakfast 賣相極之吸引，兩雙煎蛋煮得好好。牛扒方面亦有跟足order既medium，味道肉汁鮮嫩，唔會有血水。跟住早餐既牛角包亦都好鬆軟。其他配菜例如薯仔、蘑菇、車厘茄同埋茄汁豆都係水準之上。最後係bar枱下既各款甜品賣相都好吸引，冬甩或者muffin都係飯後甜品既好選擇，大家下次可以一邊飲咖啡一路品嚐各類蛋糕及甜品。