Chill and Grill

Open Now

Now Closed

今晚朋友帶我堅尼地城附近食晚飯，佢話又近港鐵站，餐廳食物種類多，可以傾計傾耐d，唔怕有限時（平日）。一入餐廳，俾我個感覺好大，枱與枱之間唔會密密麻麻，坐得舒服。另外，餐廳有自家水耕菜，同有少少裝飾同設計。食物質素算中上，最鐘意個沙律同炸芝士。新奧爾良炸芝士海鮮餅 ($138) - 呢個有驚喜。初初以為呢個係有芝士味同有芝士的海鮮餅。原來係芝士炸芝士，海鮮餅炸海鮮餅，兩個係分開炸，唔係同一樣野。個炸芝士好好味，係流心，要趁熱食。布拉塔芝士配蕃茄沙律 ($138) - 雖然係有一大舊芝士，但配上酸酸甜甜的番茄同有橄欖同蒜茸脆脆，口感豐富。西班牙豬鞍架 ($218) - 豬鞍架算大塊，味道正常。我最鐘意的係個蘋果醬，酸酸甜甜，配大大舊肉就最襯。