Video
Read full review
2021-04-19
284 views
今日去開中環行街，想搵間小店食個lunch，chill chill的咁嘆下。行行下去到bakehouse條街見到呢間小店，見到佢有lunch set, 包沙律，湯，主菜同飲品，百零蚊就埋單，好似好正咁，就決定去試寸佢。入到去見到個裝修都好特別，感覺好舒服。我地攬係左all day breakfast同酥炸軟殼蟹鰻魚汁扁意粉。首先上枱有沙律，餐湯同一個餐包。個包好有誠意，熱辣辣又鬆軟。沙律就有daily salad(吞拿魚青瓜沙律) or fresh fruit salad揀，我哋一人要左一份試下，啲菜同生果幾新鮮，撈埋啲汁都幾好食。湯就要左一個daily soup (蕃茄湯)同一個周打蜆湯，蕃茄湯唔會太酸，周打蜆湯就好多蜆，忌廉好滑，好飲。兩個主菜上枱都好大份，個all day breakfast好有誠意，唔會上啲茄汁豆俾客人，特別好食嘅有粟米，炒蛋同西多士。西多士尤其出色 ，新鮮熱辣，配料好夾。而另一個軟殼蟹扁意粉都好大份，意粉唔會太軟身，亦都好入味 個軟殼蟹好熱辣辣，食到啖啖肉。最後我哋餐飯要左橙汁同熱latte，熱latte仲有拉花(心心)添。埋單都唔駛百六蚊一個，好值得推介俾大
入到去見到個裝修都好特別，感覺好舒服。我地攬係左all day breakfast同酥炸軟殼蟹鰻魚汁扁意粉。首先上枱有沙律，餐湯同一個餐包。個包好有誠意，熱辣辣又鬆軟。沙律就有daily salad(吞拿魚青瓜沙律) or fresh fruit salad揀，我哋一人要左一份試下，啲菜同生果幾新鮮，撈埋啲汁都幾好食。湯就要左一個daily soup (蕃茄湯)同一個周打蜆湯，蕃茄湯唔會太酸，周打蜆湯就好多蜆，忌廉好滑，好飲。兩個主菜上枱都好大份，個all day breakfast好有誠意，唔會上啲茄汁豆俾客人，特別好食嘅有粟米，炒蛋同西多士。西多士尤其出色 ，新鮮熱辣，配料好夾。而另一個軟殼蟹扁意粉都好大份，意粉唔會太軟身，亦都好入味 個軟殼蟹好熱辣辣，食到啖啖肉。最後我哋餐飯要左橙汁同熱latte，熱latte仲有拉花(心心)添。埋單都唔駛百六蚊一個，好值得推介俾大家。聽老細講話呢度夜晚會有cocktail mocktail，有機會都想嚟試下！
Post
