Lagom Kaffe (Closed)

Thanks God it was Friday!!!捱完一個星期，終於可以同朋友仔嚟飲番杯食餐好！因為喺觀塘附近返工，所以就揀咗呢間餐廳，地方闊落，食物種類又多，而且有一間Pet friendly嘅餐廳，如果屋企有寵物嘅話帶埋你呢度一邊同朋友食飯就更加chill！香煎帶子黑松露什菌意粉呢個黑松露意粉好正！黑松露味好濃，意粉個汁好Creamy，包裹住每一條意粉，食落好有滿足感！帶子亦都好大粒，煎到啱啱好！(生酮）蜜糖燒雞酮牛油果南瓜雞蛋沙律呢個係健康之選，沙律菜牛油果同南瓜都好新鮮，南瓜係甜甜地脆脆地嘅，好正！雞蛋仲要係糖心蛋，雞扒又唔會太柴！好味！水牛城雞翼呢個睇個賣相就知道好食，水牛城雞翼唔會太鹹，雞翼都係好嫩滑！呢個小吃好惹味！Hoegaarden呢杯啤酒一上嚟就嚇親，份量真係好大，應該有500 mL，仲大過我個朋友塊面，哈哈！飲完真係怕佢醉左唔知點返屋企！紅肉火龍果茘衼乳酪呢間餐廳嘅乳酪飲品都幾有特色，我呢個火龍果乳酪係酸酸甜甜，個人覺得呢個搭配好refresh！所以都幾鍾意！