I-O-N (Closed)

鵝肝馬卡龍配無花果醬：鵝肝咸香與馬卡龍既甜味十分匹配，令人有驚喜。無花果醬微酸，食完唔油膩。👍🏻香煎帶子蜂蜜柚子醬：帶子質感唔錯，結實冇雪味。車里子朱古力撻：造型好靚，內有慕絲同果醬，酸甜醒神。朱古力味濃郁，唔會好甜，幾好味。紅莓醬雞肉牛角包：雞肉同羽衣甘藍都冇味，牛角包亦冇香甜牛油味，雖有紅莓醬，但整體淡而無味，比較失望。上述茶點較印象深刻，其他發揮正常，味道不錯。下午茶既飲品較少，只可選擇滴漏黑咖啡或凍咖啡果皮茶，其他飲品要加錢。但2款飲品既質素都很好，black coffee 唔苦澀，fruity好飲，flavour note 上面嘅味道就未有功力試得出😅；cascara tea 暫時較少地方有得飲，味道酸甜，值得試試。二人連service charge $548，係中環地區，性價比算高。而且cafe 位於活化歷史建築中環街市，環境舒適，食完有展覽或特色商店可行，係消閒休息既好地方。