Vici Restaurant & Bar (Closed)

今日同朋友嚟到荃灣食嘢，想搵個地方食下野、飲下酒、吹下水🤣 就簡左呢間vici bar❣️幾鍾意餐廳有好多sofa chair，chill chill地，坐得舒服～坐低之後，店員就即刻介紹飲品俾我哋，叫左兩杯cocktail🍹open kitchen既設計，可以見到bartender即場為我地調製飲品😇前菜：泰式羽衣甘藍沙律 🥗 賣相好吸引，顏色豐富。紅色既蕃茄、橙色既蘿蔔絲、綠色嘅羽衣甘藍😍 沙津醬汁加埋柚子粒，食落酸酸甜甜，好開胃。羽衣甘藍清新爽口，健康無負擔🤣 仲有大大隻帶子同埋大蝦，爽口彈牙，份量都唔細，好足料，一啲都唔吝嗇。主菜：冬陰功大蝦意粉 🍝 呢個意粉好特別～ 冬陰功味好濃郁，又唔會好辣，每條意粉都能夠沾滿醬汁，烹調時間剛好，意粉保持彈牙，配上大蝦同蘆筍，口感豐富🤣主菜：自家製辣肉腸 🍕 熱辣辣既pizza上面鋪滿芝士，食落仲拉絲架，好邪惡🤪 自己整既pizza好有誠意，餅底有番咁上下厚度，咬落煙煙銀銀；烤焗既時間岩岩好，外脆內軟。店員好nice、環境舒適、食物質素唔錯，都幾適合三五知己過嚟，傾吓計、飲吓嘢🤣