SOOO OYSTER GRILL & PASTA

Open Now

Now Closed

因為全家都好鍾意食生蠔，所以我成日都好留意邊度有好食嘅生蠔。最好就係任食，但係質素高㗎啦，不過喺香港真係好難搵。最近比我上網搵到，呢間新蠔又可以任食，而且質素又高，咁就一於嚟試吓啦。餐廳嘅環境比較暗，好似好適合情侶拍拖。雖然餐廳唔大，但係都有足夠嘅位置，坐落唔會太迫。我哋本身今日嚟諗住食生蠔，咁就叫老闆介紹啲俾我哋啦，老闆非常細心，將每一種生蠔都詳細咁介紹，於是我哋就叫咗大約八隻嚟試吓啦。原來呢度除咗生蠔之外，其他主菜都好出色。例如我哋叫咗個煎封油鴨髀，本身對佢冇咩期望，估唔到一上枱又大隻又香。而且一食落口皮脆內軟，而且鴨味好夠，未食過咁好食嘅鴨髀呀。呢間餐廳性價比好高，而且環境唔錯，好適合慶祝生日或者周年紀念呀。