城市匯 (Closed)

同同事食個happy Friday lunch 本小姐有entertainer個apps可以買一送一 所以就試下啦 坐低之後畀咗兩杯暖水 同埋放咗一個鐵盒裏面放咗法國麵包 由於我哋唔想 嘥quota 所以叫佢攞走 費事嘥嘢 我哋喺個main menu度揀咗一個慢煮牛面珠登 同埋羊架share上枱時賣相好得 分量都算大 有兩大舊面豬登 有薯蓉伴底 肉質好腍 完全入味 要畀個like佢 羊架分量都好大 羊肉好大陣騷味 本小姐最愛 羊肉冇騷味食嚟做乜呢整體嚟講係 呢間餐廳 都可以媲美soho同蘭桂坊嘅扒房 值得推介 加上 apps的優惠 超級抵食 一定會再嚟