Video
Read full review
2024-09-02
74 views
現時香港可以聽live music 的地方不多，只有部份酒店設有live music，想聽住音樂chill 吓真係選擇唔多。唔去唔知，原來市區也有一個，上星期朋友帶咗我去尖沙咀K11 Artmall 一間live house，地點方便，環境chill，餐廳中設有一個大舞台，左右兩邊的顧客都可以望到舞台，完全無遮擋，好細心亦好用心，餐廳逢星期五六日會安排歌手現場表演，可於佢地個社交平台知道每個月的表演時間及歌星，都幾方便，下次要mark 定時間再去聽live music 先至得! 今次就先品嚐佢Ｄ食物同cocktails~ 🌟Ribeye set dinner($288) 烤新西蘭肉眼(8oz)+是日餐湯+紅酒 見到呢個dinner set 幾抵，有8安士肉眼，仲包餐湯及一杯紅酒，所以二話不說就點了這個，另外再加點其他食物。 先來餐湯，是南瓜湯，香滑creamy，不錯 8安士的肉眼其實好夠食，份量充足，而且大廚煎得唔錯，五成熟真的煎得剛剛好，而肉眼軟淋又juicy，很不錯，拌碟還有大量烤南瓜，都好香甜，好食!🌟炙烤香腸拼盤($148) 呢個香腸拼盤大推，好fusion，送酒一流，當中有3
唔去唔知，原來市區也有一個，上星期朋友帶咗我去尖沙咀K11 Artmall 一間live house，地點方便，環境chill，餐廳中設有一個大舞台，左右兩邊的顧客都可以望到舞台，完全無遮擋，好細心亦好用心，餐廳逢星期五六日會安排歌手現場表演，可於佢地個社交平台知道每個月的表演時間及歌星，都幾方便，下次要mark 定時間再去聽live music 先至得!
今次就先品嚐佢Ｄ食物同cocktails~
🌟Ribeye set dinner($288) 烤新西蘭肉眼(8oz)+是日餐湯+紅酒
見到呢個dinner set 幾抵，有8安士肉眼，仲包餐湯及一杯紅酒，所以二話不說就點了這個，另外再加點其他食物。
先來餐湯，是南瓜湯，香滑creamy，不錯
8安士的肉眼其實好夠食，份量充足，而且大廚煎得唔錯，五成熟真的煎得剛剛好，而肉眼軟淋又juicy，很不錯，拌碟還有大量烤南瓜，都好香甜，好食!
🌟炙烤香腸拼盤($148) 呢個香腸拼盤大推，好fusion，送酒一流，當中有3款腸，分別係台式豬肉腸、糯米腸及韓國雜肉腸，仲配埋德國酸椰菜絲及芥末醬，fusion 得黎又幾夾。3款腸都很不錯，其中最特別是糯米腸，初時還以為是香草豬肉腸，所以幾surprise，糯米腸咬落煙韌，外面烤得香脆，內裏煙韌，正!
🌟慢煮法國鴨腿($298) 慢煮法國鴨腿，鴨腿好大一隻，啖啖肉，而鴨皮炸得香脆，但內埋肉質軟嫩入味，好好食，真正外脆內嫩，而且伴碟的沙律都好用心製作，大大的一碟，還加入無花果、香橙肉及合桃肉，配著一起食清新又減膩。
🍷飲品: House wine (跟餐)/ Sangria 見到好多特色的cocktails，但最終都係飲番簡單又我至愛的Sangria，sangria 加入了多款生果，味道清新，唔會太濃酒味，飲一杯剛剛好~
Post
