芝加哥串燒 (美豐花園) (Closed)

呢度位置唔算多，但係氣氛都幾好，呢度呢主要係食串燒嘅，另外呢都有啲主食，價錢都好親民，相當抵食。雞肉串燒呢就帶咗雞軟骨串，同埋鹽燒雞中翼，雞中翼一串有兩隻，而且仲有少少蜜糖味。雞軟骨都燒得好脆口。另外呢都叫咗燒豬頸肉同埋椒鹽鮑魚，豬頸肉好好食，調味啱啱好。鮑魚呢就有三個，上邊仲有少少炸蒜，食落有少少辣，好惹味。之後都嗌咗煙肉金菇同埋燒韭菜，食串燒又點少得韭菜，韭菜大份！另外都叫咗金銀蒜燒扇貝同埋黑松露燒珍寶帶子串。扇貝蒜味好重，啱晒重口味嘅大家，黑松露帶子嘅味道都好出。煮食就叫咗法式牛柳粒配薯菜同埋香草牛油燒春雞平薯菜。隻雞嘅雞肉都好嫩滑，而且塊皮好脆。薯條亦都揸得好趣，好鍾意佢配薯條嘅醬汁有一款係芥末味，一路食住炸物一路配啤酒真係人生一大享受。