Cafe Siam (The Plaza ) (Closed)

近日風波不斷，心情唔好連出街食飯都少咗。有好耐冇見的朋友仔，約我去蘭桂坊放鬆一下。飲酒實在提唔起興趣，朋友仔就帶我去食一間美味的泰菜。餐廳由外國人處理，裝修亦充滿泰式風情。坐窗邊可以望向正街，旺中帶靜的氣氛，的確能夠令人心情輕鬆起來。。先來一個透心涼的椰青，冰甜又清涼。朋友仔介紹我食豬頸肉沙律，泰式沙律上有多件厚厚的豬頸肉。豬頸肉就厚到好似豬扒咁樣，可以用刀叉切開來食。而且全部都係輕輕燒過，有少少焦香，甚見誠意。冬陰公夠香夠辣夠惹味。呢個炒飯好特別，裏面有一種香料令我印象難忘。同我喺布吉渡假時食到的炒飯一模一樣！甜品環節，嘗試左平時比較少食到的南瓜雪糕。好甜好美味，配上椰漿，即變成泰滋味！生活還是充滿不如意事，但用美食放空和歇息一下，未嘗唔係一件好事。