aga Restaurant & Bar

Open Now

Now Closed

今日收工約咗朋友喺尖沙咀食嘢，一講到食乜嘢，朋友即刻話尖沙咀厚福街開咗一間新嘅特色餐廳，嗰度感覺好超，於是我就滿心歡喜咁樣直接衝去餐廳，一生人都去真係有驚喜，餐廳環境裝修得幾有格調，更加有室外位置，天氣轉涼嘅時候真係好啱feel。飲品我要左一杯梅乃宿細果粒鳳梨，好易入口，梅酒加pineapple個味道幾夾。野食方面要左錫紙焗鮮蕃茄海鮮扁意粉，呢個用嚟打卡一流，而且錫紙焗過嘅海鮮又夠鮮甜，兩隻蝦都超大隻，勁爽口，連帶子都真係特大size，加埋蕃茄微微嘅酸味，配埋軟硬適中嘅意粉，真係好好味。另外都要咗一個flame意大利雲吞，粒粒嘅大細差不多，一啖一粒，全部都包得好結實，我覺得好好味。最後都加多咗一個小食，就係佢嘅香辣芝士炸椰菜花，真係絕對唔好睇小，以前成日覺得椰菜花有一浸腥味，但係佢呢個加咗啲香辣粉，令到成件事出，配埋酒原來好配！