Brew Dog Coffee Co.

Open Now

Now Closed

拎左部車去新蒲崗修理，係等嘅時間就當然要搵間餐廳舒適嘅坐下，無意間行經發現食呢間小小嘅Café，所以就嚟食個下午茶Hea下啦。Café以白色為主調，地方雖然唔大，但有大塊嘅落地玻璃所以採光度十足，令到成個感覺都好Chill好Relax。食物種類都多嘅，不過我自己就唔太餓，所以就叫件蛋糕同咖啡歎下。我依個開心果控就當然要試下佢地嘅 開心果巴斯克芝士蛋糕，蛋糕質地軟滑香濃而且濕潤柔軟，仿如雪糕口感。開心果淡淡嘅甜味與濃郁芝士味道互相平衡，所以入口少甜不膩，忍不住一啖接一啖咁食。咖啡方面我就揀左厚椰奶咖啡那堤，依杯絕對係高水準嘅咖啡，口感非常醇厚絲滑，咖啡同椰奶比例岩岩好，濃郁椰子味道香之餘，又唔會蓋過咖啡香味，厚而不膩，好啱我嘅口味。