WM Café & Bar (啟岸)

Open Now

Now Closed

今日咁岩返嚟poly，發現喱到都同學生時期唔同哂，多咗幾幢新樓，新樓商場都開咗好多唔同餐廳。搵間坐得舒服啲又唔會俾人趕走嘅Cafe，因為要慢慢聚吓傾吓偈，其實一開始見到佢全日happy hour生啤吸引到上嚟。不過都係食個正餐埋嘢飲好似抵啲。今日想食羊，所以叫咗個澳洲草飼羊扒，額外可以加$20轉特飲，揀咗杯好靚嘅宇宙落神。羊扒叫咗五成熟，味道都好唔錯👍同埋佢額外配埋沙律同餐湯其實都真係幾唔錯。另外叫咗個健康牛油果餐，牛油果巴馬火腿薄餅🍕同埋加$24有杯牛油果沙冰，如果鍾意牛油果嘅你一定會好鍾意呢度，因為呢度真係有成個Menu都係牛油果主題。Pizza嘅牛油果醬都幾多，所以口味都好豐富，再加埋杯牛油果沙冰其實都真係幾飽，飽飽肚真係證明好足料。其實環境真係好舒服，都坐得好舒適，有時候想同朋友慢慢坐下傾吓偈都好推薦呢一個餐廳。