Blush (Closed)

以粉紅色為主題酒吧，不過都有提供晚市，適合放工想同朋友飲杯野。餐廳整個感覺都好舒適，好岩三五知己來放鬆一下！.▪️Creamy Mushroom Spaghetti in Bread Bowl $168雖然係普通既mushroom 意粉，但我覺得越普通既菜式，更考大廚既功夫，因為大家食過無數次！而我係相當滿意既，意粉creamy得黎又唔會太漏，個包點少少汁又不過如果個包面可以脆少少口感應該更好！▫️Kimchi and Ham Grilled Cheese and fries $138呢道菜，未上都有好大陣既芝士味，真係超級濃郁，唔係個個都接受到。但食落又完全唔覺，反而係泡菜味更重，而薯條都好脆，唔知唔覺就食曬😛▪️OH MY DEAR $68Whisky底加左提子、石榴、蔓越橘，仲會用火槍向面燒一層，賣相一流！岩曬中意打卡既朋友，飲落酸酸甜甜，相對岩有飲開既野既朋友仔！▫️AMOUR $78Vodka底加左火龍果，薑同烏龍茶。飲落係健康既感覺，酒味淡薄，易入口。調酒師講野好溫柔.老實講，本身對食物沒有太大期望，加上食物都唔算太多選擇。不過食物質素出乎意料之外，值得一試。