皇室宴會廳

Open Now

Now Closed

今日同女朋友到迪迪尼搵DUFFY影相，經過皇室宴會廳發現原來佢哋今日開始有DINNER BUFFET食, 個BUFFET五點開始到放煙花為止，正當我同女朋友考慮緊試唔試之際，有一位"演藝人員"（好似係咁叫）好熱情咁向我哋推介,見價錢都OK，（大人＄198，小朋友＄98,要加一）,又試下啦。大概五點半回到餐廳，原本有一半供快餐用嘅位置已舖上紅色嘅檯布同一盞電子蠟燭台，BUFFET檯亦有一座聖誕老人像擺設，再加上牆角一棵3米（估計有）聖誕樹，感覺真係好聖誕，相信設計者都花咗唔少心思! 至於食物方面，雖然冇生蠔，魚生，但其他食物如沙律（本人推介蟹肉牛油果沙律，YUMMY，聽聞係迪迪尼得獎菜色），熱食(火雞同燒火腿有專人切比你食)，甜品(Bread Pudding必食)都好新鮮而且不斷供應，以價錢論，喺聖誕節期間用咁嘅價錢食BUFFET，真係好抵! 不過個BUFFET好似係做到一月二號，要試就快喇!!