Video
Read full review
2022-12-12
325 views
踏入12月即係代表聖誕節🎄就快到喇！好多餐廳都開始推出聖誕menu，Pizza Express亦都唔例外呢。我屋企嗰兩位老人家鍾意食薄餅，今次同埋佢哋一齊去試吓呢個期間限定聖誕特色套餐。講到明用Christmas Wonderland 做主題，菜式一定添有同聖誕節有關嘅完素。聖誕花環薄餅、麵包球聖誕樹等都係薄餅師傅們特別為聖誕節而創造嘅新菜式。聖誕堂食4人套餐包括多款菜式，湯、沙律、小食、薄餅、麵類、樣樣齊，甜品仲有兩款咁多呢。所有聖誕菜式都可以散叫，但我覺得叫套餐可以一次過試晒啲菜式唔洗煩。▫️周打蜆湯配芝士麵包粒 - 點餐後侍應先送來呢個湯，裡面有好多蜆肉粒同埋芝士麵包粒😋飲完成個人暖笠笠。▫️麵包球聖誕樹 - 將麵包球砌成一棵聖誕樹🎄形狀先拎去焗，選用意大利辣香腸作為聖誕燈飾及灑上巴馬臣芝士同埋馬蘇里拉芝士，真係一棵非常盞鬼嘅聖誕樹。▫️黑醋油封鴨腿血橙沙津 - 食材豐富嘅沙律 - 有血橙、紅菜頭、牛油果、紅洋蔥、黃車厘茄及青菜沙律，仲有好大隻鴨腿😆▫️焗抱子甘藍 / 焗粟米 - 兩份餐前小食份量啱啱好，抱子甘藍用橄欖油輕輕醃過，配紅洋蔥條一齊焗，散發著微微嘅焦糖香味。▫️聖誕花環薄餅 -
講到明用Christmas Wonderland 做主題，菜式一定添有同聖誕節有關嘅完素。聖誕花環薄餅、麵包球聖誕樹等都係薄餅師傅們特別為聖誕節而創造嘅新菜式。
聖誕堂食4人套餐包括多款菜式，湯、沙律、小食、薄餅、麵類、樣樣齊，甜品仲有兩款咁多呢。所有聖誕菜式都可以散叫，但我覺得叫套餐可以一次過試晒啲菜式唔洗煩。
▫️周打蜆湯配芝士麵包粒 - 點餐後侍應先送來呢個湯，裡面有好多蜆肉粒同埋芝士麵包粒😋飲完成個人暖笠笠。
▫️麵包球聖誕樹 - 將麵包球砌成一棵聖誕樹🎄形狀先拎去焗，選用意大利辣香腸作為聖誕燈飾及灑上巴馬臣芝士同埋馬蘇里拉芝士，真係一棵非常盞鬼嘅聖誕樹。
▫️黑醋油封鴨腿血橙沙津 - 食材豐富嘅沙律 - 有血橙、紅菜頭、牛油果、紅洋蔥、黃車厘茄及青菜沙律，仲有好大隻鴨腿😆
▫️焗抱子甘藍 / 焗粟米 - 兩份餐前小食份量啱啱好，抱子甘藍用橄欖油輕輕醃過，配紅洋蔥條一齊焗，散發著微微嘅焦糖香味。
▫️聖誕花環薄餅 - 薄餅係我鍾意食嘅薄批，有芝士、紅莓乾同埋番茄醬。薄餅中心好似聖誕花環其實係用南瓜、羽衣甘藍、醃辣甜椒同埋北非小米沙律。
▫️聖誕蛋白餅配沙翁 - 一份非常IG-able嘅甜品。薑餅人係呢個甜品嘅賣點呢。蛋白餅添上Movenpick雲尼拿雪糕，仲有士多啤梨、紅莓、忌廉及開心果碎做裝飾，真係睇得又食得。
▫️意大利芝士蛋糕 - 自家製意大利芝士蛋糕，每次去呢度食飯一定會叫呢個甜品。
點選4人聖誕套餐嘅話會贈送一支意大利威尼托SEA CHANGE汽酒 (價值HKD328)，汽酒帶有梨子🍐及桃嘅芳香，容易入口，連平時唔多飲酒嘅老人家都跟我們一齊暢飲呢。
Post
