Chullschick

Open Now

Now Closed

呢間雞舖知道左好耐，無論中西文食評都話佢正，仲好似上過南早，想去好耐，但一直唔係約唔到人就係時間唔啱，再者食燒雞呢味嘢有乜好過用手？但大庭廣眾食到落手落腳又好似難睇啲。一天晚上見左右無事，趁收工捉埋小妹妹同事一齊來試吓，啤啤佢大家聯誼聯誼，促進一下感情。☝️招牌秘魯燒雞半隻：調味OK，髀位翼位夠滑溜有肉汁，可惜雞胸卻十分守規矩地鞋及乾，呢樣嘢十分公平，不論你在南美洲的秘魯定亞洲的香港某條街上的超市內賣嘅烤雞，只要是做法相同即係將隻雞丟入焗爐度烤，結果都唔會差好遠。☝️辣雞翼：OK好食夠惹味，但唔算認真辣。一餐飯下來覺得OK嘅，但唔似像傳說中吹得咁堅，weekday平日晚去食個普通飯嗰隻，應該唔算係你心目中要專登去尋訪嘅隠世美食。☝️餐廳內外都畫滿呢類大型壁畫，很漂亮，很異國風。