Video
Read full review
2021-08-15
5460 views
中環嗰間CIAK就食過好幾次，呢間太古城分店就第一次食。星期日預先訂左位，佢分兩個時段，12點同1點半，我哋食1點半。黎到好快有位。星期六日都有午餐，叫Leisure Lunch Menu。兩道菜$238，三道菜$268，唔包茶或咖啡，另加一，真心唔平。今日為左薄餅而黎，我哋叫左兩個三道菜午餐，包頭盤，主菜，同甜品，另外加個大薄餅分享。先黎一個麵包籃，真心嗰句，個樣好似拎去掉嘅麵包咁，放到亂七八糟，不過食落少少脆皮，都可以嘅，枱上面有黑醋同橄欖油俾你點麵包。頭盤三選一，湯係甘荀湯，我地麻麻就揀左另外兩個頭盤。傳統凱撒沙律配慢煮雞胸（跟餐）傳統凱撒沙律配慢煮雞胸份量唔少。慢煮雞胸三塊，質感算嫩口。羅馬菜新鮮爽脆，沙律醬啱啱好，上面再灑上煙肉碎同芝士片，可惜啲麵包粒係腍嘅。煙三文魚配醃紅菜頭，九芽菜及刁草乳酪汁 （跟餐加$40）煙三文魚三大片，味道正常，鹹香煙三文魚配下底幾塊甜甜哋紅菜頭平衡啲。刁草乳酪汁好味，配煙三文魚係絕配。九芽菜味道麻麻哋。呢款前菜要加$40好似貴左啲，性價比麻麻。主菜5選1，一定要試試薄餅！自選雙拼組合薄餅7吋（跟餐）口味五選二，我哋揀左Prosciutto For
星期六日都有午餐，叫Leisure Lunch Menu。兩道菜$238，三道菜$268，唔包茶或咖啡，另加一，真心唔平。今日為左薄餅而黎，我哋叫左兩個三道菜午餐，包頭盤，主菜，同甜品，另外加個大薄餅分享。
先黎一個麵包籃，真心嗰句，個樣好似拎去掉嘅麵包咁，放到亂七八糟，不過食落少少脆皮，都可以嘅，枱上面有黑醋同橄欖油俾你點麵包。
麵包籃
124 views
1 likes
0 comments
頭盤三選一，湯係甘荀湯，我地麻麻就揀左另外兩個頭盤。
傳統凱撒沙律配慢煮雞胸（跟餐）
傳統凱撒沙律配慢煮雞胸
46 views
0 likes
0 comments
傳統凱撒沙律配慢煮雞胸份量唔少。慢煮雞胸三塊，質感算嫩口。羅馬菜新鮮爽脆，沙律醬啱啱好，上面再灑上煙肉碎同芝士片，可惜啲麵包粒係腍嘅。
傳統凱撒沙律配慢煮雞胸
42 views
0 likes
0 comments
煙三文魚配醃紅菜頭，九芽菜及刁草乳酪汁 （跟餐加$40）
煙三文魚配醃紅菜頭，九芽菜及刁草乳酪汁
$40
73 views
0 likes
0 comments
煙三文魚三大片，味道正常，鹹香煙三文魚配下底幾塊甜甜哋紅菜頭平衡啲。刁草乳酪汁好味，配煙三文魚係絕配。九芽菜味道麻麻哋。呢款前菜要加$40好似貴左啲，性價比麻麻。
煙三文魚配醃紅菜頭，九芽菜及刁草乳酪汁
$40
59 views
0 likes
0 comments
主菜5選1，一定要試試薄餅！
自選雙拼組合薄餅7吋
44 views
0 likes
0 comments
自選雙拼組合薄餅7吋（跟餐）
口味五選二，我哋揀左Prosciutto Formaggi同Norcina。薄餅一客六塊，每種味三塊。
右面係Norcina，即係自家製豬肉腸仔拼蘑菇芝士。自家製豬肉腸仔切到好細舊，好似肉丸，冇乜質感，味道就係鹹，反而蘑菇粒大少少，芝士係拉絲嘅，但係略嫌芝士份量比起餅底厚度唔夠多，味道就可以啦。
左面係Prosciutto Formaggi，即係四種意大利芝士配風乾火腿。風乾火腿一塊，味道鹹香。四種意大利芝士唔知係邊四種，份量都係麻麻哋咋喎。
呢度嘅薄餅曾經係我認為係香港數一數二好食嘅薄餅，係寫明36小時自然發酵。不過我懷疑呢間分店冇火爐，所以個餅底雖然都脆嘅，但係冇以前咁薄脆，差好遠，真係連Mamaday嘅薄餅都比唔上。
炭燒安格斯西冷配茄子蓉，西班牙青椒及燒汁
26 views
0 likes
0 comments
炭燒安格斯西冷配茄子蓉，西班牙青椒及燒汁（跟餐）
炭燒安格斯西冷配茄子蓉，西班牙青椒及燒汁
35 views
0 likes
0 comments
見到炭燒安格斯西冷居然唔洗加錢當然要試試。塊扒都幾細塊，都有炭燒味嘅，叫左三成熟，都算整到，不過肉味麻麻哋而且唔嫩，失望。燒汁味道唔出。反而配菜令人滿意，茄子蓉賣相似鯪魚滑，味道唔錯。西班牙青椒有六隻，整到腍哂，新鮮好味。
炭燒安格斯西冷配茄子蓉，西班牙青椒及燒汁
26 views
0 likes
0 comments
Four Seasons $280 另加一
Four Seasons
$280
19 views
0 likes
0 comments
呢個係主餐牌嘅10吋薄餅，寫明係香辣鮮蝦，燒牛肉，香草番茄醬芝士薄餅。一客八塊，每個季節兩塊。
Toppings都幾令人失望，兩隻鮮蝦又唔大又唔爽脆，好明顯唔新鮮，仲要唔香辣。燒牛肉得啲細細粒肉粒，都冇乜牛肉味，似肉丸咋喎。另外有青瓜片同車厘茄，都好普通咋喎。芝士又唔夠多，有幾款唔同顏色嘅醬，主要得啲番茄醬係夠味。真失望。點對得住個價錢？
朱古力餅配咖啡忌廉及意式芝士蛋糕雪糕
29 views
0 likes
0 comments
朱古力餅配咖啡忌廉及意式芝士蛋糕雪糕（跟餐）
朱古力餅配咖啡忌廉及意式芝士蛋糕雪糕
16 views
0 likes
0 comments
甜品2選1。由於另一款甜品實在係太平平無奇，所以我哋都揀左朱古力餅配咖啡忌廉及意式芝士蛋糕雪糕。好彩，因為呢款甜品好好味又特別。原來係兩塊厚厚哋嘅朱古力餅包住中間唔係好知係乜味嘅雪糕，上面擠左啲咖啡味忌廉，再加上朱古力味薄脆，仲有少少金箔。傍邊灑少少朱古力碎餅同朱古力粒，仲有咖啡味忌廉。雖然雪糕本身味道麻麻哋，不過成份甜品一齊食就好似Tiramisu嘅變奏，多重口感同味道。
服務正常，不過呢度冇餐巾或紙巾，唔太方便。裝修中上，座位正常。但係價錢貴而薄餅質素唔成正比，下次唔會再為左薄餅而黎。
Post
