Video
Read full review
2010-08-06
281 views
早幾日臨收工, 同班同事講開飲食經, 講到 7 月23 號 U Magazine 裏 CNN介紹香港有 40 種不能欠缺既美食, 而萃華既燒乳鴿就係其中之一。有同事之前食過話幾正, 叫我地不如試下。 擇日不如撞日, 我地成班餵食精一收工就拉大隊出發! 我地成班點左唔少餸,, 而以下呢幾味, 我個人就特別鍾意 !!! 燒乳鴿: o的燒乳鴿熱辣辣上枱, 傳來陣陣肉香 ! 食落去, 皮脆肉嫩 ! 最難得就係隻燒乳鴿仲好 Juicy, 徒手食一流, 今次CNN真係推介無錯 ! 椒鹽白鴿蛋: 雞蛋, 鴨蛋, 鵪鶉蛋, … 我就試過, 咁大個仔都係第一次食白鴿蛋 ! 白鴿蛋蛋身係半透明, 食落去比起一般蛋香口, 而最特別既係蛋身既口感同其他蛋與別不同, 大家不妨一試 !豉油王蝦: 用豉油王狂 “讚” 出黎既大蝦, 一出黎都已經香噴噴。估唔到除左有豉油王既香味, 我仲可以食到蝦本身既鮮味 ! 如果鍾意食蝦, 呢個餸千祈唔好走雞 !炸釀豆腐: 個人一直覺得越平凡既食物做得越好味先顯得廚師既厲害。 呢個炸釀豆腐, 豆腐表皮先輕輕炸一炸, 易夾香口, 而豆腐內裏則滑一滑, 滲出香濃既豆味, 我本身唔多
我地成班點左唔少餸,, 而以下呢幾味, 我個人就特別鍾意 !!!
燒乳鴿: o的燒乳鴿熱辣辣上枱, 傳來陣陣肉香 ! 食落去, 皮脆肉嫩 ! 最難得就係隻燒乳鴿仲好 Juicy, 徒手食一流, 今次CNN真係推介無錯 !
椒鹽白鴿蛋: 雞蛋, 鴨蛋, 鵪鶉蛋, … 我就試過, 咁大個仔都係第一次食白鴿蛋 ! 白鴿蛋蛋身係半透明, 食落去比起一般蛋香口, 而最特別既係蛋身既口感同其他蛋與別不同, 大家不妨一試 !
豉油王蝦: 用豉油王狂 “讚” 出黎既大蝦, 一出黎都已經香噴噴。估唔到除左有豉油王既香味, 我仲可以食到蝦本身既鮮味 ! 如果鍾意食蝦, 呢個餸千祈唔好走雞 !
炸釀豆腐: 個人一直覺得越平凡既食物做得越好味先顯得廚師既厲害。 呢個炸釀豆腐, 豆腐表皮先輕輕炸一炸, 易夾香口, 而豆腐內裏則滑一滑, 滲出香濃既豆味, 我本身唔多鍾意食豆腐(我個人鍾意食濃味既野), 但係呢碟餸又真係幾 OK 喎 ….
豬油撈飯 : 細細個試過豬油撈飯, 大個仔再試, 別有一番風味. O的豬油好香好滑, 可以引出飯香, 而且食落唔係好肥膩, 比起就咁食白飯多一種層次感
椒鹽屌片: 椒鹽既香味, 加上屌同本身爽口彈牙, 食落去好香脆, 呢個餸最O岩我送酒 !!!
最後我地用清甜既山水豆腐花作為當晚既總結, 個種滿足既感覺, 真係好正 ! 飽飽 ~~~
Post
