FINDS Restaurant & Bar (Moved) New Location

上星期同D舊同事黎左飲野，星期四晚七點左右，人都唔少，捧場客睇落都幾同產。呢度裝修都叫唔錯，不過座位其實唔係咁舒適，好睇唔好坐。Happy hour時份，所有飲品都係買一送一，一般cocktail正價都要成90元一杯，都咪話唔貴。我就選左一款叫Garbo的，係用蘋果茸加薑茸同vodka等調製，味道都唔錯。跟住同朋友交換第二round果杯，要左chocolate martini，味道幾好，杯邊搽左一圈朱古力，入口甜甜地，不過其實幾勁酒精架，朋友仔飲左三分一已經wing wing地。由於有人叫肚餓，所以叫左當日薯仔精選同釀蕃茄，前者其實係薯茸而已，不過都整得幾滑，有水準；後者上檯只得一粒蕃茄，釀左野米同香草，味道係不過不失咁啦，作為送酒小食就真係好唔恰當囉。整體而言，呢度o既cocktail係有D水準，不過以正價論又似乎有少少over-priced，happy hour黎飲番杯都可以o既。侍應生就好唔掂，服務態度好麻麻，又唔得醒目，落單要講好耐至知我地講咩。