Muze Mozz (Closed)

星期一下午同老公睇完《雷神奇俠4：愛與雷霆》之後，夜晚去左Muze Mozz食飯。我地叫左兩款西班牙Tapas，兩款泰式小食，一個主菜，兩杯cocktails。西班牙馬鈴薯蛋餅蛋餅夾住馬鈴薯片，幾厚身，口感比較實在。伊比利亞黑毛豬火腿配黑松露三文治之前係其它餐廳食過呢款Bikini，覺得好好食。呢間既都好好食，三文治整得好脆，黑松露醬毫不吝嗇，加埋芝士、黑毛豬火腿，正。泰式生蝦刺身醬汁幾辣，生蝦唔會霉，好快就清晒。泰式烤豬頸肉捲餅捲餅包住豬頸肉同蔬菜，中和左豬頸肉既肥膩。北海道松葉蟹腳忌廉意粉意粉好creamy，蟹肉份量頗多，唔錯。Autumn Place面頭有幾片枯葉，好有秋天既感覺，味道甜甜地，酒味好濃。Thai Mary係Bloody Mary既泰國版，辣辣地，幾過癮。