Jerry Maguire (Closed)

食完飯想食甜品同飲酒，黎Jerry Maguire就可以一次過滿足晒兩個願望！呢杯signature cocktail賣相好精緻，拉糖絲超吸睛飲落薄荷味濃郁，偏甜，最得意係浮係面嘅蘑菇蛋白餅。呢個時候叫d小食先！特別鍾意黑松露薯波，熱辣辣炸起，一切開已經傳來陣陣黑松露香氣~外層金黃香脆，咬落粉腍，值得一讚係唔油膩。跟住叫左兩款甜品，先來Sour Apple清一清味蕾。食落好似蘋果同薑脆糖，加埋士多啤梨棉花糖泡沫，配搭有新鮮感，整體味道清新Jerry Maguire Cheesecake Crunch 最啱同幾個朋友仔share大家有冇食過好似幅畫咁嘅芝士蛋糕呢？芝士蛋糕濃厚幼滑，入口帶baileys酒香，加上急凍黑朱古力泡沫(frozen chocolate foam)微微甘苦，整體配搭唔太膩,，仲有脆脆crumbs增加口感！