NINETYs (皇后大道東) (Closed)

一向知道ninetys 咖啡出名，今日慕名而嚟，順便同朋友食埋dinner.Latte 咖啡可以揀fruity 定 choco blend. 本身自己唔鍾意咖啡太酸, 就揀咗choco. 奶嘅種類都可以揀，好似係whole/skim, soy/oat/almond milk等。咖啡嘅拉花好有心思，咖啡味香濃，入口順滑，仲俾咗啲藍莓乾令到咖啡味道更鮮明。同行朋友點嘅It’s Easy Easy佢係落咗moscatel, lime, milk oolong tea果然係如其名容易入口，青檸嘅酸味同麝香葡萄酒嘅甜味中和得好好，而且飲到淡淡嘅烏龍茶味好特別。Boston lobster pasta顏色鮮艷，擺盤精美，意粉上面灑咗少少食用花瓣，令人食指大動。有半隻波士頓龍蝦，龍蝦肉質實，上面仲有勁多橙色嘅蝦膏。意粉沾滿左蕃茄醬，味道啱啱好，側邊仲有啲車厘茄，同樣係新鮮鮮甜。Crab & burrata cheese pizzaPizza嘅配料好多，口感豐富，除咗主打嘅蟹肉同埋burrata cheese，仲有水牛芝士、車厘茄、蘆筍、仲有三文魚子等等。Pizza係薄餅餅底，焗得好香脆。