Gelare (Closed)

同屋企人行下Mikki，經過Gelare，俾佢地甜品吸引左入去，間店鋪細細間，不過都叫坐得幾舒服，當時人唔太多，我地4個人食，叫左黑松露野菌大烤菇意大利飯、肉眼扒，蟹肉闊條麵，豬肋骨雞翼拼盤，不少得甜品雪糕窩芙，我鐘意飲蘑菇湯，都幾大份量，將蘑菇打碎，令到飲時啖啖都有好濃郁的蘑菇。黑松露野菌意大利飯，首先會睇到一大塊野菌放在飯上，個飯吸左黑松露的香味，配上多汁的野菌，食落時香味出晒嚟，加上米中心唔太硬身，本人好鐘意。蟹肉帶子意大利麵，有2粒大帶子，麵量不多，但個汁好滑，加上蟹肉的鮮味，不會覺得好膩口。肉眼扒我地叫左5成熟，但感覺應有7成熟，所以肉質有點硬，不過牛排的size都算大。豬肋骨雞翼拼盤，雞翼皮脆肉嫩，而豬肋骨切到細細塊方便直接用叉食，之前食其他都要自己切，我自認刀功差，喜歡方便，醬都幾惹味，有一點點酸酸的，肉質結實，加上炸到金黃金黃外脆內粉的薯條，完成我地的主食。就算食得飽飽都要試下佢地的甜品，窩夫熱辣辣，即時制作，配上又香又綿的雪糕，又熱又凍，好味道！