永利

Open Now

Now Closed

當12點之後先收工，好多時就會喺呢度叫碗大嘅韭菜豬紅腸多辣，又或者係牛雜呢度啲腸係幾好食，夠肥又入味，甘香不騷。牛雜呢就好似由細到大掃街果一種，煮得比較淋身，膀就完全粉咁樣。當然同潮式粉面做出嚟嘅牛雜冇得比，不過就好有comfort food嘅感覺。另外值得一提嘅就係佢哋嘅滷水墨魚同生腸，做得其實都唔錯，爽口彈牙。重點係佢哋做得好有心機，放甜醬芥辣嘅時候係用個掃，一層一層咁上得好均勻。絕對唔係求其pat啲醬上去就算！抵讚所以，有時搵嘢食，味道都未必係重點。可能果一刻，想要嘅，就係想搵返當年嘅人情味同感覺。