富久保手打烏冬 (Closed)

星期五晚，放工後去嘉禾港威睇《勁揪俠》，套戲七點半開場，又係一個尷尬的時間，唯有到樓上的 cookedDeli 食個 early dinner 打打底。海港城 cookedDeli 內的選擇不少，日、韓、越、泰、印一應俱全，但時間緊迫，我沒有花時間去左睇右揀，一心試試人氣店富久保的手打烏冬。本想單吃冷烏冬，怕不夠飽，就要了冷烏冬加滑蛋豬扒飯的套餐 ($65)，跟略懂廣東話的日本師傳下單後，找個空位坐著等吃。跟餐附送的蘿蔔片，入口無渣，相當鮮甜醒胃。先吃滑蛋豬扒飯，豬扒的外層炸成微脆，肉質亦夠軟淋，水準已不太差。滑蛋蓋著洋蔥、紅蘿蔔絲、昆布等配料，感覺也不會過於單調。可惜飯粒煮得比較腍軟，不夠挺身亦有點糊口，令整體味道打了折扣。至於主打的冷烏冬賣相沒有太古城富福的粗糙，師傅明顯比徒弟技高一籌，新鮮手打的質感比冷藏烏冬來得豐厚，煙韌中帶點麥香，同時也滲出一份涼意，雖然部份麵條入口較硬，但配合混入香蔥、薑茸、芝麻的烏冬汁吃，味道更香更濃，確是有水準的出品。一邊吃烏冬，一邊看著日籍師傅在狹窄的工作間內打麵，那份對食物的執著與堅持，實在值得我們所尊重！