嘉咸咖啡 (Closed)

上星期約左班friend去到呢間soho小店，呢到氣氛好似我係巴黎蒲開D Cafe，細細間，逼逼夾夾咁，但係勝在氣氛好cosy，好warm，聽講店主都係巴黎過客，唔怪之個feel咁歐州啦！全店牆身掛滿法國poster，的確花左一輪心思，幾有style。食物方面，我地先叫左鵝肝，嘩！法國入口鵝肝，水準新鮮超正，香脆鬆化無渣，簡單香煎配port酒汁，入口即溶。另外叫左石榴大蝦沙律，酸酸甜甜，十分醒胃，我係出面餐廳未曾試過咁樣既沙律，好特別，新鮮好味，而主菜叫左牛尾，聽聞係招牌菜，牛尾蚊得好林，正，重有羊膝，真係大件夾抵食，而牛利太陽鴨蛋焗飯就好特別，而我最鐘意係佢地D意粉，有咬口，特別係辣肉腸長通粉，鬼佬口味，醬汁出色。甜品就點左楊枝金露，原來甜品先係主打，店主留法，主力學整蛋糕甜品，學成回港係洒店工作多年，跟住先開自已舖頭，所以甜品水準了得，Tiramisu同mud cake朱古力餅簡直一絕，香、軟、嫩、滑。我地成晚又開酒，由頭盤食到甜品，每人都係百幾二百蚊，重無加一，招呼幾好，唔似呢區某D餐廳，一座低就猛咁sale你開洒，呢處真係一個值得三五知乙，開心暢聚既cosy 小店