草民 (Closed)

夜晚朋友一齊喺尖沙咀厚福街揾野食，見到呢間都有幾多好評，價錢又唔錯所以就試吓啦！一入到去就覺得餐廳既木系裝修唔錯，好warm咁🤣仲有得坐係”草地”度，都係一個幾新奇既setting🤣我哋兩個人嗌咗肉醬薯條，啲芝士同肉醬味好香，一上菜就聞到，份量都唔少，兩三個人share都得，本身有啲驚薯條同肉醬唔係好夾，不過原來都幾好食😋之後嗌咗香煎魚柳菠菜意大利飯，因為見呢道菜係其他餐廳少有所以就試吓，點知居然有驚喜！個risotto好好食，魚都幾大塊，煎得啱啱好，仲有好多菇😍仲有嗌左忌廉汁青口，都好新鮮同埋大粒，唔會有腥味😋仲有忌廉汁都幾香，加埋啲蒜頭仲入味飲品方面兩個人都嗌左抹茶鮮奶，我哋都覺得都幾好飲，唔係好甜同埋完全唔會滯😋奶味同抹茶味好均勻，唔會好重抹茶味🍵，推薦大家試下🤤個人覺得呢間餐廳嘅環境唔差，得閒同朋友聚會都可以試吓呢間，而且價錢喺尖沙咀來講都唔貴，值得再試！